Mae’n bleser gan GyngACC gyhoeddi y caiff Darlith eleni ei thraddodi gan yr Arglwydd David Puttnam, y cynhyrchydd ffilmiau a hyrwyddwr addysg enwog, ac fe’i cynhelir yn yr Amgueddfa Genedlaethol, Caerdydd am 6yh, nos Lun 4 Hydref.
Bydd y Ddarlith, sy’n dwyn y teitl, ‘Hir pob aros a nawr dyma ni: rôl gyfnewidiol addysgu ac athrawon yn yr 21ain ganrif’, yn edrych ar sut mae’r cyfleoedd a’r heriau a wynebir yn ein byd cyfanfydol yn debygol o weddnewid addysgu.
Mae mynediad i’r Ddarlith yn rhad ac am ddim, ac mae’n agored i bawb. Os hoffech ddod, llenwch a dychwelyd y ffurflen ymateb isod. I gael gwybodaeth bellach ynghylch y Ddarlith, ffoniwch 029 2055 0353, neu e-bostio: Mae'r cyfeiriad ebost yn cael ei warchod rhag spam bots, rhaid i chi alluogi Javascript i'w weld.
Cynhaliwyd Darlith Addysg Cymru 2009 ar nos Lun 5 Hydref yn yr Amgueddfa Genedlaethol. Caerdydd.
Cafodd y Ddarlith, a fu’n dwyn y teitl ‘Cau’r Bwlch: Ymateb o’r Rheng Flaen’, ei thraethu gan y Syr William Atkinson.
Gellir gwrando ar recordiadau o’r digwydd ar ffurf MP3 yma:
Y Ddarlith (61Mb)
Y Sesiwn Holi ac Ateb (22Mb)
Cynhaliwyd Darlith Addysgu Cymru nos Lun 10 Tachwedd yng Ngwesty'r Hilton, Caerdydd.
Cafodd y Ddarlith, a fu’n dwyn y teitl ‘Ysgolion yn y gymuned: canolgylch newid’, ei thraethu gan yr Athro Shirley Williams.
Gellir gwrando ar recordiad o’r Ddarlith ar ffurf MP3 yma (43Mb), bydd testun y ddarlith ar gael maes o law here (PDF k).
Gellir darllen y datganiad i’r wasg, “Y Farwnes Williams yn pryderu bod y cwricwlwm yn ffrwyno creadigrwydd athrawon – ond ddim yng Nghymru”, yma.
Ar 1 Hydref 2007, cafodd Darlith Addysg Cymru ei thraethu gan y Farwnes Estelle Morris yn yr Amgueddfa Genedlaethol yng Nghaerdydd.
Y Farwnes Estelle Morris
Yn gyn-athrawes, daeth Estelle Morris yn Aelod Seneddol ym 1992 a chafodd ei dyrchafu i swydd llefarydd yr wrthblaid dros Addysg a Chyflogaeth, cyn dod yn Is-ysgrifennydd Seneddol dros Safonau Ysgolion, ac yn Ysgrifennydd Gwladol dros Addysg a Sgiliau. Ymddiswyddodd yn gyhoeddus o’i swydd fel yr Ysgrifennydd Addysg yn 2002, ar ôl datgan ymrwymiad i’r Ysgrifennydd Addysg Cysgodol Ceidwadol ar y pryd y byddai’n ymddiswyddo os na fyddai’r targedau llythrennedd a rhifedd yn cael eu bodloni. Daeth yn Weinidog dros y Celfyddydau yn 2003, cyn camu i lawr o’r llywodraeth ac fel Aelod Seneddol yn etholiad cyffredinol 2005. Dyrchafwyd Estelle Morris i Dyˆ’r Arglwyddi, yn Farwnes Morris o Yardley, yn 2005.
Y Farwnes Morris yw Llywydd y National Children’s Bureau ar hyn o bryd, sef sefydliad elusennol sy’n gweithredu fel corff ymbarél ar gyfer sefydliadau sy’n gweithio gyda phlant a phobl ifanc yn Lloegr a Gogledd Iwerddon.
I wrando ar fersiwn MP3 o’r ddarlith neu i’w lawrlwytho, cliciwch yma. Ceir testun i gyd-fynd â’r ddarltih yma (PDF 468K).
Traddodwyd Darlith Addysg Cymru 2006 gan yr arloeswraig ym maes Anghenion Addysgol Arbennig, y Farwnes Mary Warnock, ar 2 Hydref yn yr Amgueddfa Genedlaethol, Caerdydd. Gerbron cynulleidfa o dros 320 o ymarferwyr a gwneuthurwyr polisi addysg yng Nghymru, bu’ r Farwnes yn dadlau nad yw’ r ddarpariaeth bresennol ar gyfer anghenion addysgol arbennig yn y DU yn gweithio, ac yn cynnig ei syniadau ynghylch yr atebion mwyaf effeithiol ar gyfer y dyfodol.
I ddadlwytho podlediad o’ r ddarlith, neu i wrando arno, cliciwch yma ac i wrando ar y sesiwn gwestiynau, cliciwch yma. Ceir copi printiedig o ’r ddarlith cyn bo hir. yma (PDF 1.1Mb).
Ar 2 Hydref 2005, traddododd yr Athro Tim Brighouse, Prif Gynghorydd Ysgolion Llundain, Ddarltih Addysg Cymru 2005 yn yr Amgueddfa ac Oriel Genedlaethol yng Nghaerdydd.
O dan y teitl ‘Athrawon: gorau arf y gyfundrefn’, bu’r Athro Brighouse yn siarad am nodweddion yr athro eithriadol o lwyddiannus o flaen cynulleidfa o dros 120 o athrawon a gwyr gwadd.
Gallwch weld testun y ddarlith drwy glicio yma. Nodwch y bydd angen Nodwch y bydd angen Macromedia Flash fersiwn 8 arnoch er mwyn gweld y fideo hwnarnoch. (Gellir lawrlwytho hyn am ddim o wefan Macromedia drwy glicio yma).
Gellir lawrlwytho copi o’r ddarltih drwy glicio yma (PDF 151k)
Cynhaliwyd Darlith Addysg Cymru, y gyntaf o’i math, nos Lun 4ydd Hydref 2004 yn yr Amgueddfa a’r Oriel Genedlaethol, Parc Cathays, Caerdydd.
Mynychwyd y digwyddiad agoriadol a drefnwyd gan Gyngor Addysgu Cyffredinol Cymru gan westeion amlwg y byd addysg: yn eu plith roedd Gweinidog Addysg y Cynulliad, Jane Davidson, Aelodau’r Cynulliad, Cyfarwyddwyr Addysg awdurdodau addysg lleol, swyddogion undebau athrawon, llunwyr polisi, arweinwyr Addysg Uwch ac Addysg a Hyfforddiant Cychwynnol i Athrawon, penaethiaid ac athrawon.
Esboniodd Prif Weithredwr CyngACC, Gary Brace: “Roedd y nod i greu dyddiad allweddol yn y calendr addysgol i dynnu’r holl reiny sy’n dylanwadu ar ac yn cyflwyno addysg yng Nghymru at ei gilydd i drafod materion cyfredol yng ngoleuni agenda addysg gynyddol unigryw yng Nghymru.
“Mae Darlith Addysg Cymru’n ymwneud gymaint â chlywed am syniadau dyfeisgar newydd a thrafod y meddylfryd cyfredol ag y mae’n ymwneud â rhoi cyfle i’r rheiny sy’n gweithio ym maes addysg ddod at ei gilydd a rhyngweithio.
“Y gobaith yw y bydd y ddarlith flynyddol, y gyntaf o’i math, yn troi’n ddigwyddiad ‘hanfodol’ ar gyfer yr holl reiny â diddordeb mewn llunio dyfodol ein system addysg.”
Agorwyd y gyfres gan yr Athro John Andrews CBE, cyn-gadeirydd Cyngor Addysgu Cyffredinol Cymru, gyda’r pwnc ‘Addysgu Yfory’, gan archwilio’r sialensau sy’n wynebu’r proffesiwn addysgu a’r system addysg yng Nghymru.
Defnyddiodd John Andrews y ddarlith I ddadlau bod athrawon yn cael eu “gorweithio a’u tanddefnyddio” ac I barhau â’r ddadl ynghylch materion recriwtio a chadw athrawon gan gynnwys y cyflenwad gormodol o athrawon cynradd a’r duedd gynyddol tuag at ymddeol yn gynnar o’r maes addysgu.
Trafododd hefyd y materion allweddol a fydd yn wynebu athrawon yn y dyfodol: y rôl ehangach i ysgolion mewn addysg barhaus yn y gymuned leol; sut bydd camau technolegol yn dylanwadu ar ddulliau addysgu yn y dyfodol; rôl athrawon fel ‘rheolwyr dysg’ a phwysigrwydd rhwydweithiau addysgu I rannu arfer gorau.
Gellir lawrlwytho copi o’r ddarltih drwy glicio yma (PDF 540k)
Mewn Gofnodi