Cyllid Sefydlu
PWYSIG
Trefniadau diwygiedig ar gyfer cyllido Sefydlu a DPC o 1af Medi 2012
Mae Llywodraeth Cymru'n bwriadu diwygio'r trefniadau presennol ar gyfer Sefydlu a Datblygiad Proffesiynol Cynnar (DPC) yng Nghymru o 1af Medi 2012. Mae'n debyg mai'r prif newidiadau fydd:
• Rheoliadau Sefydlu diwygiedig, a fydd yn ceisio rhoi mwy o gysondeb i Sefydlu ar gyfer yr holl athrawon newydd gymhwyso (ANG) ledled Cymru a darparu mwy o hyblygrwydd er mwyn galluogi athrawon cyflenwi i gwblhau eu cyfnod Sefydlu yng Nghymru;
• rhoi terfyn ar gyllid DPC ar gyfer ANG sy'n dechrau Sefydlu o 1af Medi 2012, er y bydd ANG a ddechreuodd Sefydlu cyn y dyddiad hwn yn dal yn gymwys i gael cyllid DPC;
• cyflwyno gradd Meistr opsiynol mewn Arfer Addysgol (MEP) ar gyfer ANG sy'n dechrau Sefydlu yng Nghymru o 1af Medi 2012 ymlaen.
Mae CyngACC yn gweinyddu rhai rhannau o'r cyllid ar gyfer Sefydlu a DPC ar ran Llywodraeth Cymru. Felly, bydd yn ailgyhoeddi ei lyfryn gwybodaeth a'i ffurflenni presennol ynghylch cyllid Sefydlu a DPC i ysgolion yn barod at dymor yr hydref 2012, ar ôl i Lywodraeth Cymru ymgynghori ynghylch newidiadau yn y Rheoliadau Sefydlu.
Yng ngoleuni'r uchod, hysbysir athrawon ac ysgolion o'r canlynol:
• dylai'r holl staff sy'n ymwneud â darparu datblygiad proffesiynol mewn ysgolion ac ANG gadw llygad ar wefan Llywodraeth Cymru dros y misoedd nesaf i sicrhau eu bod yn hollol gyfarwydd â'r gofynion newydd o fis Medi 2012 ymlaen;
• ar gyfer ANG sy'n dechrau eu rhaglen Sefydlu o fis Medi 2012 ymlaen, arhoswch i'r ddogfennaeth ddiwygiedig gael ei chyhoeddi cyn cyflwyno unrhyw waith papur ar gyfer Sefydlu neu'r Radd Meistr i GyngACC;
• ar gyfer athrawon sy'n parhau â'u Sefydlu mewn ysgol newydd o fis Medi 2012 neu ar gyfer athrawon sy'n dechrau blwyddyn DPC o fis Medi 2012 ymlaen, cyflwynwch y gwaith papur presennol i GyngACC erbyn diwedd tymor yr haf 2012, os yw'n bosibl, ond cyn pen 10 niwrnod gweithio ar ôl dechrau cyfnod Sefydlu/blwyddyn DPC yr athro/athrawes, fan bellaf (sef 17eg Medi 2012).
Ceir manylion pellach gan y Tîm Cyllido Sefydlu a DPC ar 029 2046 0099, drwy e-bostio Mae'r cyfeiriad ebost yn cael ei warchod rhag spam bots, rhaid i chi alluogi Javascript i'w weld. .
Pan fydd ysgol a gynhelir yng Nghymru yn penodi Athro Newydd Gymhwyso (ANG) am gyfnod o gyflogaeth a fydd yn cyfrif tuag at gyfnod Sefydlu'r ANG, yna bydd rhaid i’r ysgol gymryd y camau canlynol er mwyn sicrhau bod y cyllid priodol yn cael ei ryddhau i’r ysgol
| CAM 1 | Pan benodir yr ANG dylai’r ysgol gyflwyno Cofnod Sefydlu ANG i GyngACC, ond ar yr hwyraf o fewn 10 diwrnod gwaith pan fydd y cyfnod cyflogaeth a fydd yn cyfrif tuag at Sefydlu yn dechrau. |
| CAM 2 | Ar ôl i athro gwblhau tymor Sefydlu, dylai’r ysgol gyflwyno Cofnod Asesu Sefydlu i’r Cydlynydd Sefydlu yn yr ALl (yr ALl yw’r Corff Priodol ar gyfer Sefydlu). |
Mae’n bwysig cysylltu â’r Tîm Cyllido Sefydlu a DPC a’r ALl os bydd oriau contract athro/athrawes yn newid, gan y gallai hyn effeithio ar gyfnod Sefydlu’r athro/athrawes.
Os bydd athro/athrawes yn gadael ei swydd cyn cwblhau Sefydlu rhaid cwblhau Ffurflen Drosglwyddo o fewn 15 diwrnod gwaith ar ôl i’r athro/athrawes adael yr ysgol.
Mae gan ALlau drefniadau lleol ar waith mewn perthynas â’r dyddiad ar gyfer dychwelyd Cofnodion Asesu Sefydlu; mae hyn er mwyn caniatáu i’r ALl gael amser i ymgymryd â’u rôl fel y Corff Priodol ar gyfer Sefydlu ac yna rhoi gwybod i GyngACC am unigolion sy’n cwblhau tymor Sefydlu erbyn y dyddiad priodol.
Pan dderbynnir yr hysbysiadau gan yr ALl, bydd CyngACC yn rhyddhau cyllid i’r ysgol.
Nodwch y dyddiadau isod, sef y dyddiadau i ALlau gyflwyno’r wybodaeth briodol i GyngACC, ar gais y Cyngor. Os nad yw’r ysgol yn cyflwyno’r gwaith papur i GyngACC erbyn y dyddiadau hyn, ni fydd CyngACC yn gallu rhyddhau’r cyllid Sefydlu i’r ysgol.
|
TYMOR |
DYDDIAD Y DYLAI’R ALl DDYCHWELYD GWYBODAETH SEFYDLU I GyngACC |
|
Gwanwyn 2012 |
Ebrill 2012 |
|
Haf 2012 |
Awst 2012 |
|
Hydref 2012 |
Ionawr 2013 |
Mae ragor o wybodaeth ar gael yn ymwneud â chyllid ar gyfer Sefydlu a’r raglen Sefydlu yn gyffredinol wrth clicio yma.
Gwaith papur sydd ei angen er mwyn sicrhau bod Cyllid Sefydlu yn cael ei ryddhauRhestr wirio
|
Gwybodaeth a dogfennau eraill
Os oes gennych unrhyw ymholiadau mewn perthynas â rheolau, rheoliadau neu reolaeth y rhaglen Sefydlu sy’n ymwneud yn benodol ag athro/athrawes unigol, yn y lle cyntaf, dylech gysylltu â’r Cydlynydd Sefydlu yn yr ALl, sy’n gweithredu fel y Corff Priodol ar gyfer Sefydlu.
Fel arall, os oes gennych unrhyw ymholiadau cyffredinol mewn perthynas â’r rhaglenni Sefydlu a DPC, dylech gysylltu â Thîm Sefydlu a DPC Llywodraeth Cymru (Yr Is-adran Ymarferwyr).
Yr Is-adran gwelliant dysgu & Datblygiad Proffesiynol
Llywodraeth Cymru
Parc Cathays
Caerdydd
CF10 3NQ
Ffôn: 029 2082 3205 or 029 2080 1389
Ffacs: 029 2082610
E-bost:
Mae'r cyfeiriad ebost yn cael ei warchod rhag spam bots, rhaid i chi alluogi Javascript i'w weld.
Funded by:
Cysylltwch â'r Tîm Cyllid Sefydlu a DPC
Cyngor Addysgu Cyffredinol Cymru
9fed Llawr, Eastgate House
35-43 Ffordd Casnewydd
Caerdydd, CF24 0AB
Ffôn: 029 2046 0099
Ffacs: 029 2047 5850
E-bost: sefydluadpc@gtcw.org.uk