Ffocws papur safbwynt CyngACC: meithrin gallu arweinyddiaeth ar bob lefel, rôl gyfnewidiol prifathrawiaeth, paratoi, dethol a chefnogaeth ar gyfer penaethiaid. PDF (60k)

Papur safbwynt y Cyngor yw'r ddogfen hon ynghylch rheoleiddio'r gweithlu ysgol ehangach.

Ar ôl cyflwyno'r broses o ddiwygio'r gweithlu ysgol yn 2003, mae nifer a natur y staff a gyflogir gan ysgolion i gefnogi gwaith athrawon wedi newid yn sylweddol. Mae'r patrwm hwn yn debygol o barhau ymhellach, o ystyried agenda 'Trawsnewid Addysg' Llywodraeth Cynulliad Cymru, a fydd yn arwain at niferoedd cynyddol o athrawon AB mewn ysgolion.

Mae'r Cyngor yn argymell cyflwyno rheoleiddio dan arweinyddiaeth broffesiynol ar gyfer personau sy'n gweithio i gefnogi athrawon ac sydd â chysylltiad uniongyrchol â disgyblion yn rhan o'r broses ddysgu. Mae'r Cyngor yn credu bod angen i'r cam hwn gynnwys y canlynol ar gyfer staff cymorth:

• datblygiad safonau proffesiynol cenedlaethol;
• hyfforddiant cychwynnol a threfniadau datblygiad proffesiynol parhaus;
• cydnabyddiaeth broffesiynol a / neu academaidd;
• system safonol ar gyfer rheoli perfformiad;
• rheoleiddio proffesiynol, drwy sefydlu Cofrestr a threfniadau ffitrwydd i ymarfer, er mwyn diogelu disgyblion, rhieni a'r cyhoedd.

Wrth ddatblygu'r safbwynt hwn, mae'r Cyngor yn pwysleisio y dylid bod gan bob dosbarth athro/athrawes gymwys yn ei reoli, ac eithrio mewn amgylchiadau eithriadol, lle gellir cyflogi hyfforddwyr. Nid yw'r Cyngor yn cefnogi unrhyw fenter i leihau rôl broffesiynol yr athro/athrawes nac effeithio ar safon yr addysg a gyflwynir i ddisgyblion.

Mae’r ddogfen hon ar gael i’w lawrlwytho ar ffurf pdf yma.

Mae gan Gyngor Addysgu Cyffredinol Cymru (CyngACC) rôl unigryw wrth ddatblygu a chynnal proffesiwn addysgu o safon fyd-eang i Gymru er lles y cyhoedd.

Mae'r tudalennau canlynol yn amlinellu'n fras y blaenoriaethau allweddol a fydd yn cynorthwyo gyda'r dyhead hwn, sef blaenoriaethau mae'r Cyngor yn credu y dylent gael eu cynnwys yn eich agenda gwleidyddol.

Y blaenoriaethau hyn yw:

• y ddadl gyson dros gofrestru a rheoleiddio dan arweinyddiaeth broffesiynol ym myd addysgu,
• rôl datblygiad proffesiynol effeithiol wrth wella dysgu ac addysgu,
• gwaith priodol corff proffesiynol ar gyfer athrawon

Mae’r ddogfen hon ar gael i’w lawrlwytho ar ffurf pdf yma.

Papur safbwynt gan GyngACC yw hwn. Mae’n cyflwyno’r ddadl dros hunanreoleiddio proffesiynol ym maes Addysg Bellach gyda’r nod o ddod â mwy o gysondeb a chydlyniaeth i addysg pobl ifanc 14-19 oed ar draws lleoliadau dysgu.

Y pwnc

• O dan agenda Llywodraeth Cynulliad Cymru ‘Gweddnewid Addysg’, mae’n ofynnol i ddarparwyr addysg a hyfforddiant weithio mewn partneriaeth er mwyn darparu dewis gwirioneddol o lwybrau dysgu i bobl ifanc 14- 19 oed ar draws ysgolion a cholegau.
• Mae hawl gan rieni a’r cyhoedd i gael eu sicrhau bod pobl ifanc, pa un ai ydynt mewn ysgol neu goleg, yn cael eu haddysgu gan athrawon sy’n cael eu rheoleiddio ac sy’n anelu at y safonau proffesiynol uchaf posibl. Mae hwn yn fater sylfaenol o degwch o ran ansawdd dysgu pob person ifanc.
• Bydd y Mesur Dysgu a Sgiliau drafft, ymysg pethau eraill, yn ei gwneud yn ofynnol i ysgolion sicrhau darpariaeth alwedigaethol i ddisgyblion, ac mae hyn yn debyg o gynyddu nifer yr athrawon Addysg Bellach mewn ysgolion. Eisoes mae llawer o athrawon Addysg Bellach yn addysgu’r un grŵp o bobl ifanc 14-19 oed ag athrawon ysgol, ond nid yw’n ofynnol iddynt lynu at yr un disgwyliadau proffesiynol, ac nid ydynt yn cael cyfleoedd cyfartal o ran datblygiad proffesiynol. Dylai fod yna set gyffredin o ddisgwyliadau i athrawon Addysg Bellach ac athrawon ysgol, a dylent gael yr un cyfle i gael datblygiad proffesiynol parhaus.

Beth mae CyngACC yn dadlau drosto

• Mae angen set gyffredinol o safonau proffesiynol lefel uchel sy’n berthnasol i athrawon mewn ysgolion ac mewn lleoliadau Addysg Bellach. Byddai hyn yn helpu i sicrhau cymaroldeb cymwysterau a throsglwyddedd cyflogaeth rhwng y sector ysgolion a’r sector Addysg Bellach.
• Byddai athrawon Addysg Bellach yn cael budd o gorff proffesiynol cryf, annibynnol, amlwg ac uchel ei barch, a all ysbrydoli’r safonau uchaf o ran ymddygiad a chymhwysedd, rheoleiddio’r proffesiwn addysgu Addysg Bellach, gwella cyfleoedd i gael datblygiad proffesiynol a rhoi llais a chyfeiriad ar faterion yn ymwneud ag addysgu.
• Gellid sicrhau ymagwedd gydlynol a chyson at gydnabyddiaeth broffesiynol i athrawon ar draws lleoliadau dysgu petai CyngACC yn dod yn gorff proffesiynol i athrawon mewn ysgolion a hefyd mewn lleoliadau Addysg Bellach. Nid yw CyngACC yn dadlau dros reoleiddio’r sector dysgu gydol oes ehangach ar hyn o bryd.
• Mae CyngACC yn dadlau bod angen gweithredu ar frys yn y maes hwn.

Mae’r ddogfen hon ar gael i’w lawrlwytho ar ffurf pdf yma.

Yn unol â chenhadaeth Cyngor Addysgu Cyffredinol Cymru i gyfrannu at wella safonau addysgu ac ansawdd dysgu ac i gynnal a gwella safonau ymddygiad proffesiynol ymysg athrawon, cred y Cyngor fel y corff proffesiynol ymreolaethol dros athrawon, mai ef yw’r corff mwyaf priodol i berchenogi safonau proffesiynol ac achredu rhaglenni addysg gychwynnol athrawon yng Nghymru. Cred y Cyngor y byddai cyflawni rôl o’r fath yn esgor ar system fwy cydlynol a rhesymoledig.

Mae’r ddogfen hon ar gael i’w lawrlwytho ar ffurf pdf yma.